جدة غيـــــــــــــــــــــــــــــــــــر...

هااااااااااااااااي شباب صبايا كيفكون
جايبتلكم احلى الاماكن في جدة
و راح اقولكم الي اعرفة مبتدئة بخصوص المطاعم والكوفيهات والشاليهات

[glow="9966CC"]نحكي اول حاجه على المطاعم[/glow]
مطعم سقاله ( ابحر الجنوبيه ) اكلات بحريه تحت اشراف شيف فرنسي .
مطعم التراس في ( فندق هلتون جده ) .
تشيليز ( تقاطع ش.فلسطين مع ش. الاندلس ) مكسيكي .
مطعم يلدزلارالمطعم قريب من الكورنيش وتحديدا بعد تقاطع طريق الاندلس مع شارع فلسطين .
مطعم الدولفين على شارع التحليه من جهة الشرق بعد تقاطع طريق المدينه مع التحليه مسافه بسيطه تلاقون المطعم على اليسار بجانب مطاعم فاكهة لبنان ..مطعم يقدم اساسا اكلات بحريه .
مطاعم الجزيره الخضراء على الكورنيش وموقعها مره حلو لانها جايه جواة البحر.
مطاعم ابوشقره والزيتون في نهاية شارع فلسطين لمن يصير مركز الجمجوم على يساركم متجهين للبحر .
مطعم رومانس في شارع صاري بعد مكتبة جرير تلاقونه على اليسار ... مطعم كبير فيه ميزة يقدمون بوفيه غداء متنوع بسعر مره حلو للفرد.
مطعم متخصص بالجمبري في شارع حراء مقابل اسواق الدانوب ..اسمه ركن الجمبري عندهم ساندوتشات مشوي جمبري مع الخلطه البهارات والسلطه .
مطعم سيزون...عند الكوبري المربع قدام مستشفى التخصصي.
كاسبر جنب تشيليز ولاصق فيه...بس هو عشاء وكوفي.
وفيه واحد اسمه ابل بيز وهو بعد جنب تشيليز وكاسبر كلهم بالحمرا...
وفيه مطعم في فندق الانتر ما نى فاكره اسمه يجي اول ما تدخلين الانتر على اليسار يعنى ما تخشي الاوتيل.
وفيه مطعم في الشيرتون في الدور 11
مطعم كمان في الشيرتون هندى في الدور الي تحت .
مطعم كنز ابحر يجنننن تحصلونه في ابحر جلسات وروقان يحبها قلبك .
مطعم سن رايز على البحر .اقصد كورنيش لما تعدي ملاهى عطاء الله تحصليه على يسارك.
مرسي الاحلام هذي جلسات على البحر تحصليها في ابحر.
في كمان مطعم اليلك في سوق مساعده ممكن كوفي وممكن تتعشي فيه .
فيه مطعم البيت بيتك بس منجد ما عرفه وصفه كويس مابغى الخبطكم.
فيه مطعم عند قاعة ليلتي الي على طريق الملك برضو مانى فاكره اسمه .
فيه مطعم النورس مره جنان على البحر عن شليهات النور س الي بتكلم عنها تحت .
فيه اشياء بصراحة ما تحظرنى الحين .

[glow="9966CC"]
نجي للكوفيهاااات[/glow]
كافيه أروما في الحمراء .جنب الانتر.
كافيه لوست ستى مررره حلوه كمان جنب كافي روما .
قهوة جافا في شارع فلسطين عطي البحر ظهرك وامشي تحصليه على اليمين قبال جمجوم <<< معسكره فيها
بجنبها كمان تحصلي قفهات ومطاعم بس مانى فاكره اسم الكفي الي جنبها اعتقد شي مويزك.
ستاربوكس الي على الكورنيش .
فيه كفي في سوق البساتين اول ما تخشي السوق على يمين تحصليه وكمان في الدور الي فوق .
فيه كفي اسمه القلاريه تحصليه بسوق القلاريه بشارع التحليه وشارع التحليه عموما تمشي على كفهات.
هذا الي افتكره ذا الحين

وكافيه رانديفو هذا رحتو قبل كده ومررة عجبني مرررة حلو الانوار تكون خافتة والجوو رومانسي ورااايق
[glow="9966CC"]نجى للشاليهات او زي ما نقول احنا "الكباين "[/glow]

شاليهات النورس الي على كورنيش جده قبل فندق الهيلتون تشوفونها جواة البحر عند دوار النورس ... من مميزاتها تعبر قريبه من كل شي غرفتين نوم وغرفه للشغاله طبعا الغرف بدورات مياه وانتم بكرامه وصاله مفتوحه على سفره طعام وبينهم وبين الحديقه عازل زجاجي والحديقه فيها شاور ومسبح وجلسه ولا احلى والاجمل من هذا كله ان الحديقه مرتفعه عن الممر لانها مطله على البحر وعلى مرتفع بسيط بحيث يكون فيه خصوصي...وكمان نظيفه ومرتبه واجار الشاليه في وسط الاسبوع على مااذكر الف ريال وفي اجازة الاسبوع الف وخمسميه ريال ... ولكل شاليه مسبح خاص .

القمر مكارم" للامانة انا ما خشيتها في ابحر تلاقونها بعد شاليهات النخيل
يقلون عنها شاليهات عائليه محترمه والي مسؤلين عنها حريصين على هالشي وكمان مرتبه ونظيفه ومتوفر فيها كل شي مطبخ ومغسلة ملابس وكمان المسبح تبع النساء معزول في مبنى ..ايجار الشاليه من الاربعاء الى الساعه 4 العصر يوم الجمعه ب 2500 ريال

درة العروس غنية عن التعريف ..فيها الكمباوند وفيها الفلل وفيها المسقل وفيها القصور كل انواع الشاليهات وفيها مدينة ملاهي وفيها ملاعب وسيارات القولف كار (يستأجرونها حريم ) وفيها اوتيل في الوسط بين فتره وفتره يجي فنانين يحييون حفلات بسيطه بدون سابق اعلان عنها يعني مفاجأة قدجا مره رابح وغنى ويجون فرق موسيقيه تعزف في المارينا واحيانا فرق طق وجلسات طرب ...وديسكو كمان

هذا غير ان اللي مايحب هالاشياء ماراح يحس فيها يعني اجواء الصخب في المارينا ولو تبعد عنها خطوتين ماحسيت بشي فمناسبه للكل ...هذا غير الاستئجار لليخوت الصغيره والجت سكي والقوارب والي تبي وساعات العمل طوال النهار لـ قبل الغروب ....دره العروس مدينه لحالها ...حتى السوبر ماركت فيها حتى صالون نسائي فيها ...وهى على طريق المدينه المنوره من عند مفرق ذهبان ..

شاليهات السا حل تحصلونها في ابحر في اخر شي وهى تبع الشيرتون رايقه مره ..

شاليهات النخيل انا احبها مره حلوه .. عباره عن شليه كبير بصراحه وحلو فيه كذا غرفه ...

شاليهات الرمال واوووووا انا اخق عندها بس بصراحه هى تمليك اذا حصلتي احد تعرفينه يدخلك شي مرره حلوو.

شاليهات هوليدي ان مررره رايق وهى عباره عن شليه دورين فيه ثلاث غرف فوق .
واللي عندها اماكن تانية تقول اوكي Wink

محسوبتكم حسبو كوين queen

يعطيكي العافيهـ عـ المجهوود وصراحهـ كفيتي ووفيتي إختيارك موفق للأماكن ..

يسلموووووووووووووووو

عالمجهوووووووووووووووود الراااااااااااااااائع..

يسلمووووووووووووو ع المرور
نورتو صفحتي

&حســـــQUEENـــبــو&
ما كنك نسيتي البيك

حرام عليك .. البيك عن كل المطاعم اللي قلتيها

نظافة .. أكل ........الخ

[b]&حســـــQUEENـــبــو&
مشكورة على جهودك [/b]

ههههههههههههههههههه
ايوة صح راحت من بالي
عاد احنا اهل جدة مدمنين ع البيك
مشكوووور خيو ع المرور نورت صفحتي

يسلمووو

يعطيك العافيه

تقبلي مروري