عدد الرسائل : 140 العمر : 35 تاريخ التسجيل : 13/05/2008
موضوع: نقاش هموم ومشاكل هواة المحركات في الكويت الأربعاء مايو 21, 2008 1:10 am
نقاش هموم ومشاكل هواة المحركات في الكويت
افسحوا الطريق.. الكتكوت قادم
بمبادرة من جريدة «النهار» وبالتعاون مع مشرف قسم التجمعات والفعاليات و الدفع الرباعي بأكبر موقع للسيارات والدراجات النارية المعدلة في الكويت kwtmotor المهندس علي باقر فتحت النهار جلسة حوار حملت عنوان هموم ومشاكل هواة المحركات في الكويت . ومن خلال مبارزات النقاش انهالت اصوات المعاناة وانطلقت آفاق التعبير عن الراي تعانق عنان البحث عن الحلول ، وبعد عرض الموضوع على صفحات الموقع رصدت النهار ابرز المشاركات من الاعضاء التى بينت حجم المشاكل التى يعاني منها عشاق ومحبي السيارات في الكويت والتى اخترنا منها الاتي لاستعراضه على صفحات السيارات :
«كتكوت» .. والله باكر يخالفونك على كلمة « ماشاء الله»..!!
العضو طلال الظفيري الشهير بكنية ( كتكوت) و هو مالك سياره رياضيه فئة الفورد موستينغ وعن الا سبورت يقول « ..لازم في صوت في سيارات السبورت ..الي اهوو صوت الدبه استحاله تحصل اسبورت ماعليه دبه..!!
- يخالفونك على الصوت ..!!
- يقولونك اخراج صوت من العادم ..! انزين شنسوي ننتحر ..! ولا شنو ..؟؟ ياخي والله احترنا..
- وذاك اليوم واحد من المرور يبي يخالفني لان باب سيارتي « لامبو « يقولي « «..ان تغير بشكل الجوهري للسياره ...؟؟ سوولنا ترخيص لتعديل السيارات من الناحيه الميكانيكيه والشكليه...» .
- ويقول «.. اخوانه بالداخليه مو مخلينا على راحتنا ...!!»
- يعني :».. عندك ممنوع الاستكرات، .. قلنا اوكي بس والله انا خايف ان باجر يخالفوونه على كلمة ماشاء الله» .
- وللعلم دول الخليج كلهم عادي عندهم الاستكرات لا يخالفوون عليهم ولا شي.
- «..وماشالله انت شايف شمس الكويت .. حطلك بيضه على السياره وخلها خمس دقايق راح تفقس ...!!»
القلاف: يا داخلية .. قائمة الممنوعات .. فاقت الاحتمالات ..!!
أما العضو القلاف فتتطرق في حديثه لقضية التغييم او التظليل خصوصا مع حلول فصل الصيف فيقول :
- «لازم الواحد كل ما ركب السياره يقعد يناقز..!! (مثل الارنب) من حرارة السياره من الداخل..» - «يا اخي ..خلهم يشوفون السعوديه سامحه بالتضليل ..! الامارات هم سامحه بالتضليل البحرين كل دول مجلس التعاون سامحه الا الكويت ليش؟؟؟؟»
- ويضيف,».. الله يعينا من الداخليه من ناحية المخالفات الي كل يوم عن يوم اتزيد من ناحية الاسعار.. .!»
وعن التعديلات والاضافات قال القلاق : « , تضبيط السياره(التعديل) الواحد وده يعدل أبسيارته ليش ممنوع!!؟؟ يقولك لا تلفت النظر يعني الواحد شنو ذنبه اذا الناس اتحب أتشوف الغريب ولا شي الحلو وين المشكله؟؟ الواحد عنده فلوس و يبي يضبط سيارته يبي اتصير سيارته حلوه و غير عن شغل الوكاله.
اتركب زوايد ممنوع..! اتركب جناح ممنوع ..! اتركب باقات إلي اتصير بالباب من بره مالوت الجامه هم ممنوع..!! » .
«أتومه» : الكعكه في يد اليتيم .. « عجيبه» !!
و يثير موضوع الملصقات العضو طلال اتومه فيقول :
- «.. انا حاط ملصق على الجامه اليمين الاخيره من صوب الدبه .. وهالجامه يصير تغيمها ولكن المرور خالفوني يقولي يصير تغيمها بس مايصير تحط عليها ستيكر...!!! »
- «ومره ثانيه يقولون الملصق مخالفه والسبب انه احتمال يشد انتباه الغير والباصات حاطين عليهم ملصقات واعلانات وما يتخالفون يعني اعلان على الباص اكبر من سيارتي 4 مرات مايشد الانتباه ولا بس ملصقي انا اللي يشد الانتباه !!
موضوع: نقاش هموم ومشاكل هواة المحركات في الكويت 
الأربعاء مايو 21, 2008 1:10 am
